Dy janë pikat e propozuara nga Partia Demokratike dhe aleatët e saj në draftin që i paraqitet Këshillit Politik për konsensus të Reformës Zgjedhore. E para është ruajtja e koalicioneve të përbëra, që sipas opozitës kanë funksionuar pa ngërçe në zgjedhjet e kaluara. Ndryshimi i nenit 68 të Kushtetutës, thonë demokratët, e hoqi të drejtën për të propozuar kandidatë për deputetë, por është Neni 96 i Kushtetutës parashikon që pas zgjedhjeve, koalicionet të propozojnë mandatarin për Kryeministër.<br /><br />Për këtë arsye, koalicionet mbeten ende, sipas opozitës, që kujton se ekzistenca e koalicioneve nuk ka qenë në asnjë rast në kundërshtim me angazhimet e OSBE/ODIHR, apo të Komisionit të Venecias.<br /><br />?Kodi Zgjedhor përcakton qartazi se koalicioni zgjedhor i partive politike është ai me ?listë të përbërë?, i cili i jep të drejtën e propozimit të kandidatëve secilës parti anëtare të koalicionit, dhe jo koalicionit. Për rrjedhojë, modeli në fuqi dhe dispozitat përkatëse për regjistrimin e koalicionit, shfaqjen në fletën e votimit, marrjen e votave, përllogaritjen e rezultatit dhe shpërndarjen e mandatit, të gjitha këto pjesë të sistemit zgjedhor në kuptimin e ngushtë të fjalës, janë në përputhje të plotë me Kushtetutën?, thuhet në arsyetimin e ekspertëve të opozitës.<br /><br />Pika e dytë, jo më pak e rëndësishme, që kërkon ndryshime në Kodin Zgjedhor, është ajo e listave të hapura. Nëse në propozimet e PS, kandidatët fitues duhet të kishin më shumë vota se sa mesatarja e votave që kishte marrë partia, për të ndryshuar renditja, sipas propozimit të opozitës, renditja fillestare e kandidateve për deputetë propozohet të bëhet sipas rendit alfabetik dhe më pas mandatet shpërndahen në bazë të votave që ka marre secili prej kandidatëve.<br /><br />Në ndryshimet që kërkon opozita, merret parasysh edhe përfaqësimi në bazë gjinore.<br /><br />Propozimi i opozitës vjen pasi socialistët kanë paralajmëruar se do t?i votojnë ndryshimet e Kodit Zgjedhor në parlament në datën 30 Shtator. Kërkesa e demokratëve është që për mosmarrëveshjen në fjalë, palët t?i drejtohen OSBE/ODIHR.<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
